13
ақпан
2024
Мектебіміздің психологтарының ұйымдастыруымен «Қуаныш сыйлаймын» атты шараның ашылу салтанаты
«Білім беру процесіне қатысушылар арасында деструктивті көріністердің алдын алу» тақырып аясында психология онкүндігі атты іс-шаралар өтетінін біз мектебіміздің фейзбук парақшасына хабарлаған болатынбыз. Тәулік өте келе аталмыш шараның шымылдығы түрілді, «бісміллә» деп бастамасы да жоспар бойынша бастау алды. Бұл шараны ұйымдастырушылар әрине баршаңызға мәлім де болар, өйткені тақырыптың өзектілігі тиесілі жұмыстың маманын меңзеп тұрғой. Маман иелері Б.Ақылбаева мен Ж.Жакипованың ұйымдастыруымен «Қуаныш сыйлаймын» атты 1-11 сынып білім алушыларымен көңіл күй тақтасы акциясын өткізсе, бастауыш буындар арасында буклет «Баланың таным процесі» атты іс-шараның куәсі болдық. Сондай-ақ мектеп педагогтарына да арналған ілкімді іс істелді, жұмыс жүргізілді. Ол – психографиялық тест. Тақырыбы «Геометриялық формалардан адамның конструктивті суреті».